च्याम्पियन्स लिग सेमिफाइनलमा रियल मड्रिडबिरुद्ध चेल्सीलाई अवे गोलको अग्रता

एजेन्सी । चेल्सीले रियल मड्रिडबिरुद्ध च्याम्पियन्स लिग सेमिफाइनलको पहिलो लेगमा आशाजनक नतिजा हासिल गरेको छ । रियलसँग उसकै मैदान सान्टियागो बर्नबाउमा १–१ गोलको बराबरी खेल्नु चेल्सीका लागि अवे गोल निर्णायक बन्न सक्छ ।

थोमस टचेल प्रशिक्षित चेल्सी टिम रियल मड्रिडबिरुद्ध सबै पक्षमा सवल थियो । अर्को साता स्टाम्फोर्ड ब्रिजमा चेल्सीलाई गोलरहित बराबरी नै काफी हुनेछ । मे २९ मा हुने फाइनलमा यसको विजेता र म्यानचेस्टर सिटी तथा पेरिस सेन्ज जर्मेइनबीचको दोस्रो सेमिफाइनलको विजेताबीच प्रतिस्पर्धा हुनेछ ।

खेलको सुरुआतदेखि नै चेल्सीले माथिल्लोस्तरको प्रदर्शन गरेको थियो । उसले टिमो वेर्नरको गोलमार्फत अग्रता लिने अवसर गुमाएको थियो । वेर्नरले ६ यार्ड बक्सभित्रबाट गरेको प्रहार रियलका गोलरक्षक थियावट कोर्टवाले रोकेका थिए । तर १४ औं मिनेटमा क्रिष्टियन पुलिसिचको गोलमार्फत उसले अग्रता बनायो ।

घरेलु मैदानमा पछि परेपछि दवावमा आएको रियल मड्रिडका लागि सदावहार खेलाडी करिम बेन्जिमा संकटमोचक बनेर निस्किए । अरिकरको ७१ औं च्याम्पियन्स लिग गोल गर्दै उनले २९ औं मिनेटमा खेल बराबरीमा ल्याए ।

चेल्सीले दोस्रो हाफमा अझै राम्रो प्रदर्शन गरेको थियो तर अवसरलाई सदुपयोग गर्न सकेन । प्रशिक्षक टचेल टिमको प्रदर्शनबाट पूर्ण सन्तुष्ट देखिएका छन् ।

प्रतिक्रिया

Leave a Reply

Your email address will not be published. Required fields are marked *