कैलालीमा बिहीबारदेखि एक साता निषेधाज्ञा

कैलाली । तीव्र गतिमा कोरोना संक्रमण फैलिन थालेपछि कैलालीमा बिहीबारदेखि एक साता निषेधाज्ञा हुने भएको छ ।

मंगलबार जिल्ला कोभिड १९ संकट व्यवस्थापन केन्द्रले सिफारिस गरेअनुसार जिल्ला प्रशासन कार्यालयले कैलालीले १६ गतेदेखि २२ गतेसम्म निषेधाज्ञा जारी गरेको हो ।

जिल्ला प्रशासन कार्यालय कैलालीलाई तत्काल कडा रूपमा लकडाउन गर्न सरोकारवालाहरूले सुझाव दिएका थिए । उनीहरूले सीमा व्यवस्थापन गर्न समेत आग्रह गरेका छन् ।

सोमबार कैलाली र कञ्चनपुरमा ‘नाइट लकडाउन’ गर्ने सहमति भएको थियो । संक्रमण तीव्र भएपछि निषेधाज्ञा गरिएको कैलालीका प्रमुख जिल्ला अधिकारी खगेन्द्र रिजालले जानकारी दिए ।

निषेधाज्ञा अवधिमा अत्यावश्यक सेवाबाहेकका सम्पूर्ण गतिविधि बन्द गरिएको उनले बताए ।

प्रतिक्रिया

Leave a Reply

Your email address will not be published. Required fields are marked *