राप्ती प्रादेशिक अस्पतालको इमर्जेन्सी वार्डमा कोरोना संक्रमित, स्वास्थ्यकर्मी त्रसित

दाङ । कोरोना अस्पताल भरिभराउ भएपछि संक्रमितको उपचार राप्ती प्रादेशिक अस्पताल तुलसीपुरको इमर्जेन्सी वार्डमा भइरहेको छ । कोरोना अस्पतालमा ठाउँ नभएपछि आफन्तले राप्ती प्रादेशिक अस्पतालमा ल्याएका थिए ।

बिरामीलाई इमर्जेन्सी वार्डमा राखिसकेपछि कोरोना पोजेटिभ भएको थाहा भएको अस्पतालले जनाएको छ ।

इमर्जेन्सी वार्डमा दम लगाएत अन्य रोगका बिरामी समेत छन् । कोरोना संक्रमित सँगै भएकाले अन्य बिरामीलाई कोरोना सर्ने खतरा बढेको छ ।

कोरोना संक्रमित इमर्जेन्सी वार्डमा भएपछि स्वास्थ्यकर्मी पनि त्रसित बनेका छन् । दाङका सबै कोरोना अस्पताल भरिभराउ भएकाले अन्यत्र लैजाने तयारी गरिएको संक्रमितका छोराले बताएका छन् ।

संक्रमित तुलसीपुर ५ का ५४ वर्षीय पुरूष हुन् । उनलाई आज बिहान ८ बजे राप्ती प्रादेशिक अस्पताल ल्याइएको हो । राप्तीमा काेराेनाकाे उपचार नहुने भएपछि आफन्तले काठमाडाैं लाने तयारी गरे पनि एम्बुलेन्स पाइएकाे छैन ।

प्रतिक्रिया

Leave a Reply

Your email address will not be published. Required fields are marked *