कैलाली र कञ्चनपुरमा तीन संक्रमितको मृत्यु

कैलाली । कैलाली र कञ्चनपुरमा पछिल्लो २४ घण्टा तीन जना कोरोना संक्रमितको मृत्यु भएको छ । कैलालीमा एक जना र कञ्चनपुरमा दुई जनाको मृत्यु भएको हो ।

चैत्र ३ गते देखि धनगढी स्थित सेती प्रादेशिक अस्पतालको अस्थायी कोरोना अस्पतालमा उपचाररत कञ्चनपुर बेदकोटन नगरपालिका १ का ४८ वर्षीय पुरुषको कोरोना सङ्क्रमणबाट मृत्यु भएको हो ।

उनको सोमबार दिउँसो उपचारका क्रममा मृत्यु भएको अस्पतालका सूचना अधिकारी दिलीप कुमार श्रेष्ठले जानकारी दिए ।
सेतीमा वैशाख महिनामा मात्रै ५ जना सङ्क्रमितको मृत्यु भएको छ । कोरोनाको दोस्रो लहर सुरु भएपछि ७ जनाको मृत्यु भएको सूचना अधिकारी श्रेष्ठले जानकारी दिए ।

उता, कञ्चनपुरमा दुई जना जना सङ्क्रमितको मृत्यु भएको छ । महाकाली अस्पतालमा उपचाररत भीमदत्त नगरपालिका–४ का ६० वर्षका पुरुषको सोमबार बिहान मृत्यु भएको अस्पतालले जनाएको छ ।

शनिवार मात्र अस्पतालमा भर्ना भएका उनलाई भेन्टिलेटरमा राखेर उपचार भइरहेको थियो । यस अघि भीमदत्त नगरपालिका–१५ का ७० वर्षीय पुरुषको मृत्यु भएको हो ।

वैशाख १० गते अस्पताल भर्ना भएका उनको भेन्टिलेटरमा राखेर उपचार भइरहेको थियो । उपचारकै क्रममा गए राति मृत्यु भएको थियो । वैशाख महिनामा मात्रै महाकाली अस्पतालमा ४ जना सङ्क्रमितको मृत्यु भइसकेको अस्पतालका सूचना अधिकारी नारद भट्टले जानकारी दिए ।

प्रतिक्रिया

Leave a Reply

Your email address will not be published. Required fields are marked *