युवा उद्यमीका सुझावलाई बजेट मार्फत कार्यान्वयनमा लैजान्छौः अर्थमन्त्री पौडेल (भिडियाे) – Nepal Press

युवा उद्यमीका सुझावलाई बजेट मार्फत कार्यान्वयनमा लैजान्छौः अर्थमन्त्री पौडेल (भिडियाे)

काठमाडौं । अर्थमन्त्री विष्णुप्रसाद पौडेलले युवा उद्यमीका जायज सुझावलाई बजेट मार्फत कार्यान्वयनमा लैजाने बताएका छन् । आगामी बजेटको सन्दर्भमा युवा उद्यमीसँग सुझाव लिन काठमाडौंमा आयोजित कार्यक्रममा उनले युवा उद्यमीका सम्भव र जायज सुझावलाई कार्यान्वयनमा लैजाने बताए ।

तर के सम्भव र के जायज हुन भन्ने कुरा बजेटको पूर्वसन्ध्यामा रहेकाले अर्थमन्त्रीले बोल्न नमिल्ने पनि बताए । छलफलमा युवा उद्यमीले राखेको सुझावमा धेरै महत्वपूर्ण अन्तरतत्व अन्तरनिहित रहेको छ भन्ने ठानेको उनको भनाइ थियो ।

अहिलेको परिस्थितिमा औषत गतिमा हिँडेर नहुनेमा आफू स्पष्ट रहेको भन्दै कोभिडको सामाना मुलुकले गरिरहेको र यसबाट केही शिक्षा पाएकाले नयाँ ढङ्गले बजेट निर्माण हुने जानकारी गराए । अर्थतन्त्रको पुनरउत्थानको कुरा र उन्नती प्रगति मात्रै गरेर नपुग्ने भएकाले अब नीतिगत हस्तक्षेप आवश्यक रहेको उनले प्रष्ट पारे ।

कार्यक्रममा युवा उद्यमीले भन्सारमा न्यून विजकिकरण, एग्रो प्रशिक्षण जोन, उद्योगको लाइफ, लगानी, बैंक फाइनान्स, बिजुलीको डिमाण्ड शुल्क, निर्यातमा भएका समस्या, स्टिल उद्योगको समस्याको विषय, स्टार्टअप पोलीसीलागयतका विषयमा सुझाव दिएका छन् ।

त्यसबाहेक चलचित्र क्षेत्रका समस्या, शेयर बजारको आवश्यकता, युवा उद्यमीलाई प्रोत्साहित हुनेगरी कर निर्धारण गर्नुपर्ने, जलविद्युत परियोजनाको क्षमता बढाउने लगायतका विषयमा समेत उद्यमीले सुझाव दिए ।

 

प्रतिक्रिया

Leave a Reply

Your email address will not be published. Required fields are marked *