प्रदेश २ मा एकैदिन १ सय ३१ जनामा कोरोना पुष्टि, एकको मृत्यू

जनकपुरधाम । प्रदेश २ मा कोरोना संक्रमण तीब्र गतिमा फैलिन थालेको छ । आज शनिवार मात्रै ४१ महिलासहित १ सय ३१ जनामा कोरोना पुष्टि भएको छ । प्रदेश स्वास्थ्य निर्देशनालयका अनुसार सबभन्दा बढी पर्सामा ६६ जना कोरोना संक्रमित थपिएका छन् । यस्तै रौतहटमा ३२, बारामा १२, धनुषामा १६, महोत्तरीमा र सिरहामा १-१ जना संक्रमित थपिएका हुन् ।

थप एक संक्रमितको मृत्यू
प्रदेश २ को पर्साको बिरगञ्ज महानगरपालिका १३ राधेमाई टोल घर भएका ५३ वर्षका पुरुषको कोरोनाबाट मृत्यू भएको निर्देशनालयले पुष्टि गरेको छ । निमोनिया भएपछि अस्पताल भर्ना भएका ति पुरुषमा वैशाख ६ गते कोरोना पुष्टि भएको थियो । उपचारका क्रममा गण्डक अस्पतालमा उनको आज दिउँसो मृत्यू भएको हो ।

योसँगै प्रदेश २ मा अहिलेसम्म कोरोनाबाट मृत्यू हुनेको संख्या २ सय १७ पुगेको छ । सबभन्दा बढी पर्सामै कोरोनाबाट ५७ जनाको भइसकेको छ ।

संक्रिय संक्रमित बढ्यो
प्रदेश २ मा संक्रिय कोरोना संक्रमितको संख्या पनि बढेको छ । ३ दिन अघि संक्रमित संक्रमित साढे ६ सय मात्रै थिए । तर, आज त्यो संख्या बढेर १ हजार ५० पुगेको प्रदेश स्वास्थ्य निर्देशनालयले जनाएको छ ।

सक्रिय संक्रमितलाई अनिवार्य आइसोलेशनमा राख्नुपर्ने भए पनि प्रदेश २ मा सक्रिय संक्रमित घरमै बसेको पाइएको छ । निर्देशनालयले उपलब्ध गराएको तथ्यांक अनुसार सक्रिय संक्रमित १ हजार ५० जनामध्ये १ हजार ६ सक्रिय संक्रमित होम आइसोलेसनमा छन् ।

प्रतिक्रिया

Leave a Reply

Your email address will not be published. Required fields are marked *