बेरोजगार व्यक्तिको विवरण सबै स्थानीय तहले बैशाख १५ गतेसम्म पठाइसक्नुपर्ने – Nepal Press

बेरोजगार व्यक्तिको विवरण सबै स्थानीय तहले बैशाख १५ गतेसम्म पठाइसक्नुपर्ने

काठमाडौं । सरकारले आगामी आर्थिक वर्ष २०७८-०७९ मा बेरोजगार व्यक्तिको विवरण पठाउने समयसिमा बैशाख १५ गतेसम्मका लागि थप गरेको छ । आगामी आर्थिक वर्षमा न्यूनतम रोजगारीमा खटिने बेरोजगार व्यक्तिको सूचिकरण २०७७ चैत मसान्तसम्म रोजगार व्यवस्थापन सूचना प्रणाली अर्थात इएमआइएसमा प्रविष्ट गर्ने व्यवस्था रहे पनि स्थानीय तहले म्याद थप गर्न आग्रह गरेपछि श्रम, रोजगार तथा सामाजिक सुरक्षा मन्त्रालयलयले बैशाख १५ गतेसम्म १५ दिन समय थप गरेको हो ।

बैशाख ७ गतेको मन्त्री स्तरीय बैठकले यस्तो निर्णय गरेकाले तोकिएको समयभित्र इएमआइएस प्रणालीमा प्रविष्ट गर्न स्थानीय तहलाई आग्रह गरिएको मन्त्रालय अन्तरगतको प्रधानमन्त्री रोजगार कार्यक्रमका राष्ट्रिय कार्यक्रम निर्देशक सुमन घिमिरेले नेपाल प्रेसलाई जानकारी दिए । उनका अनुसार इएमआइएसमा प्रविष्ट भएको संख्याको आधारमा आगामी आर्थिक वर्ष २०७८-०७९ को बजेट बिनियोजन हुने छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर