शान्ति सम्झौता भएको १५ वर्षपछि द्वन्द्वपीडितलाई परिचयपत्र – Nepal Press

शान्ति सम्झौता भएको १५ वर्षपछि द्वन्द्वपीडितलाई परिचयपत्र

बाजुरा । शान्ति सम्झौता भएको १५ वर्षपछि बाजुराका द्वन्द्वपीडितले परिचयपत्र पाएका छन । सत्य, निरुपण तथा मेलमिलाप आयोगले बुधबार द्वन्द्वपीडितहरुलाई परिचयपत्र वितरण गरेको हो ।

बिस्तृत शान्ति सम्झौतामा भएको व्यवस्था बमोजिम गठन भएको सत्य निरुपण आयोग र वेपत्ता आयोगले पीडित परिवारलाई राहत, क्षतिपुर्तिको सरकारलाई सिफारिस र परिचय पत्र दिने व्यवस्था छ । सरकारले द्वन्द्वको क्रममा मृत्यु तथा वेपत्ता भएका प्रत्येक परिवारलाई दश लाख राहत उपलब्ध गराई सकेको छ ।

द्वन्द्वकालीन मुद्दा र घटनाको निरुपण गर्न बनेको आयोगले सत्य आयोगले पहिलोपटक नौ पीडितलाई परिचयपत्र वितरण गरेको आयोगकी शाखा अधिकृत मुना भट्टराईले जानकारी दिइन् ।

उनका अनुसार परिचयपत्र पाउने सूचीमा २१ जनाको नाम पहिलो चरणमा समावेश गरिएको थियो । बडिमालिका नगरपालिकामा आयोजित कार्यक्रममा परिचयपत्र वितरण गरिएको थियो ।

परिचयपत्र दिनसमेत आयोगले सात वर्ष लगाएको जनाउँदै पीडितले आक्रोश पोखेका थिए । परिचयपत्र दिएर मात्र पीडाको क्षतिपूर्ति नहुने र मनले न्यायको महसुस नगर्ने द्वन्द्वपीडित पूर्णबहादुर बुढाले बताए ।

यसमा देशभरिबाट ६३ हजार ७१८ निवेदन परेका थिए । तीमध्ये तीन हजार ७८७ लाई परिचयपत्र दिने गरी प्रक्रिया थालिएको आयोगले जनाएको छ ।

प्रतिक्रिया

Leave a Reply

Your email address will not be published.