अक्सिजन चुहिँदा भारतमा २२ कोभिड बिरामीको मृत्यु – Nepal Press

अक्सिजन चुहिँदा भारतमा २२ कोभिड बिरामीको मृत्यु

दिल्ली । अक्सिजन आपूर्ति चुहावट हुँदा भारतमा २२ जना कोभिड–१९ बिरामीको मृत्यु भएको छ । नासिक सहरस्थित जकिर हुसेन अस्पतालमा ट्यांकरबाट अक्सिजन अर्को ट्यांकरमा सञ्चय गर्दा उक्त घटना भएको हो ।

घटना कसरी भयो र बिरामीको अक्सिजन आपूर्ति किन रोकियो भन्नेबारे अधिकारीहरुले छानविन गरेका छन् । तर, झन्डै ३० मिनेटसम्म भेन्टिलेटरमा अक्सिजन आपूर्ति नहुँदा ती बिरामीको मृत्यु भएको हो ।

सहरका नगर प्रमुख कैलाश जादवले घटनाबारे छानविन गर्ने र दोषीलाई कार्वाही गर्ने बताए । उच्च मागका कारण अस्पतालहरुले अक्सिजनको आपूर्ति सुचारु गर्न संघर्ष गरिरहेका छन् ।

प्रतिक्रिया

Leave a Reply

Your email address will not be published.