नवलपरासीमा ६७ गिद्ध मरे, कारण खोज्दै प्रशासन – Nepal Press

नवलपरासीमा ६७ गिद्ध मरे, कारण खोज्दै प्रशासन

रुपन्देही । नवलपरासीको रामग्राम नगरपालिका क्षेत्रमा ठूलो संख्यामा गिद्ध मरेको अवस्थामा भेटिएका छन् ।

विश्वबाट लोपहुने अवस्थामा रहेका ६७ वटा गिद्ध रामग्राम नगरपालिका–४ जितपुर क्षेत्रमा मृत अवस्थामा भेटिएका हुन । एकै पटक धेरै संख्यामा गिद्ध मरेपछि जिल्ला प्रशासन कार्यालयको समन्वयमा डिभिजन वन कार्यालय नवलपरासीले अनुसन्धान सुरु गरेको छ ।

गिद्ध मर्नुको आधिकारिक कारण नखुले पनि विषाक्त सिनो खाएर मरेको हुन सक्ने वडाध्यक्ष मदन यादवले अनुमान गरे ।

‘उक्त ठाउँमा १० वटा मरेका कुकुरहरु भेटिएको थियो ।’ वडा अध्यक्ष यादवले भने ‘स्थानीयले ती कुकुर विष खुवाएर फालेको र गिद्धहरुले त्यही सिनो खाएर मरेको अनुमान छ ।’

गिद्धको मृत्युबारे जिल्ला प्रशासनको समन्वयमा गिद्ध संरक्षण केन्द्र, गिद्ध संरक्षण संघ, पशु संरक्षक संघ, वन कार्यालय, सशस्त्र प्रहरी, भेटेनरी डक्टरसहितको टोलीले बुधबार पोष्टमार्टम गरेको छ ।

लोपोन्मुख डंगार प्रजातिका ३३, हिमाली प्रजातिका ३१, राज गिद्द २ र सानो खैरो १ रहेका गिद्ध संरक्षक संघका उपाध्यक्ष यादव खनालले नेपाल प्रेसलाई बताए । चितवनको कसरामा ट्याग लगाएको १ गिद्ध पनि मरेको भेटिएको छ ।

सबै गिद्ध पोष्टमार्टम गरेपछि खाडल खनेर गाडिने गिद्ध संरक्षण संघका उपाध्यक्ष यादव खनालले बताए ।

प्रतिक्रिया

Leave a Reply

Your email address will not be published.