नीफ्राले तोक्यो नयाँ ब्याजदर – Nepal Press

नीफ्राले तोक्यो नयाँ ब्याजदर

काठमाडौं । नेपाल पूर्वाधार विकास बैंक (नीफ्रा) ले नयाँ ब्याजदर सार्वजनिक गरेको छ ।

आजैदेखि लागू हुने गरी तोकिएको ब्याजदरअनुसार व्यक्तिगततर्फको मुद्धती खातामा निक्षेपकर्ताले ७.२५ प्रतिशत ब्याज पाउनेछन् । यसका लागि कम्तीमा १ करोड रूपैयाँ निक्षेप राख्नुपर्ने र परिपक्व हुने समयअवधि ५ देखि १० वर्ष तोकिएको छ ।

त्यस्तै संस्थागत निक्षेपकर्ताले ५ वर्षका लागि ६.५ प्रतिशत‍ र १० वर्षका लागि ६.६ प्रतिशत ब्याजदरमा निक्षेप लगानी गर्न पाउने बैंकले जनाएको छ ।

संस्थागत लगानीकर्ताले यस बैंकमा निक्षेप जम्मा गर्न न्यूनतम १० करोड रूपैयाँ जम्मा गर्नुपर्ने छ ।
कर्जा लगानीतर्फ नीफ्राले ‘ग्रीनफिल्ड’ क्षेत्रका लागि ९.५ प्रतिशत देखी ११ प्रतिशत , ‘ब्राउनफिल्ड’ क्षेत्रका लागि ९ देखि १०.५ प्रतिशत र ब्रिजग्याप कर्जाका लागि १० प्रतिशतदेखि ११.५ प्रतिशत ब्याजदर तोकेको छ ।

विदेशी मुद्रामा दिने कर्जाको ब्याज ‘लण्डन अन्तर बैंक अफर दर, लिबोर’ को सहकार्यमा तय गरिने र विदेशी लगानीका लागि दिने कर्जाको ब्याजदर बैंकको कुपन दरमा ३ प्रतिशतसम्म प्रिमियम जोडिने नीफ्राले प्रकाशित गरेको नयाँ ब्याजदरमा उल्लेख गरेको छ ।

प्रतिक्रिया

Leave a Reply

Your email address will not be published.

सम्बन्धित खवर