कारवाही रोक्न माग गर्दै माधव नेपाल पक्ष ओलीविरुद्ध सर्वोच्च अदालतमा – Nepal Press

कारवाही रोक्न माग गर्दै माधव नेपाल पक्ष ओलीविरुद्ध सर्वोच्च अदालतमा

काठमाडौं । नेकपा एमालेको माधव नेपाल पक्षले सांसद पदबाट कारवाही गर्नेगरी अध्यक्ष तथा संसदीय दलका नेता केपी शर्मा ओलीले थालेको प्रक्रिया रोक्न माग गर्दै सर्वोच्च अदालतमा जान लागेको छ ।

एमालेले नेपालसहित २७ जना संघीय सांसद र ५ जना कर्णाली प्रदेशका सांसदलाई स्पष्टीकरण सोधेको थियो । कानून व्यवसायीहरूसँगको छलफलपछि कारवाही प्रक्रिया रोकी पाउँ भन्दै सर्वोच्च अदालत जान लागिएको नेता बेदुराम भुसालले बताए ।

‘साथीहरूले यसको तयारी गरिरहनुभएको छ,’ उनले भने, ‘ सबै तयारी पूरा भएपछि आजै सर्वोच्च जान्छौं ।

नेपाल बार एशोसियसनका पूर्वउपाध्यक्ष टीकाराम भट्टराईले उत्प्रेषणको आदेशबाट ओलीको कारवाही प्रक्रिया रोक्न माग गर्दै सर्वोच्चमा निवेदन दिने तयारी भइरहेको नेपाल प्रेसलाई बताए ।

एमालेले संविधानको धारा ८९, राजनीतिक दल सम्बन्धी ऐनको दफा ३१ र ३२ र पार्टीको विधानको धारा ४९ लाई समेत उदृत गरेर सांसद पदबाट किन कारवाही नगर्ने भन्ने प्रश्नसहितको स्पष्टीकरण सोधेपछि नेपाल पक्ष अदालत गएको हो ।

प्रतिक्रिया

One thought on “कारवाही रोक्न माग गर्दै माधव नेपाल पक्ष ओलीविरुद्ध सर्वोच्च अदालतमा

  1. २०७२ को नाकाबन्दीले हामी नेपालीलाई हाम्रो ल्याकत भारतको नियत बुझ्न सहयोग गरेको थियोभने २०७७ मा नेकपा हुँदै नेकपा (एमाले) मा सरेको विवाद र विग्रहको रोगले कुण्ठा र उपयोगितावादको असल अनुहार चिन्ने चिनाउने अवसर दिदैछ। त्यसैले नकारात्मकता भित्र पनि सकारात्मकता खोजौं र अघि बढौं!

Leave a Reply to Pushker Kadel Cancel reply

Your email address will not be published.

सम्बन्धित खवर