बाँकेमा लकडाउन घोषणा – Nepal Press

बाँकेमा लकडाउन घोषणा

रुपन्देही । कोरोना भाइरस संक्रमण बढ्न थालेपछि नेपालगञ्‍ज उपमहानगर क्षेत्रमा १ साताको लकडाउन घोषणा गरिएको छ ।

जिल्ला कोभिड संकट व्यवस्थापन समितिले बाँके जिल्लामा लकडाउनको सिफारिस गरेपनि जिल्ला प्रशासन कार्यालयले भने नेपालगन्ज उपमहानगर क्षेत्रमा मात्र लागुहुने गरि १ साताका लागि ‘लकडाउन’ को घोषणा गरेको हो ।

आज राति १२ बजेबाट वैशाख १५ गते राति १२ बजेसम्म अत्यावश्यक बाहेकका सेवा बन्द गरिएको प्रमुख जिल्ला अधिकार शिवराम गेलालद्वारा जारी आदेशमा जनाइएको छ ।

उपमहानगर क्षेत्रमा मात्र ३७५ बढी सक्रिय संक्रमित रहेको, अस्पतालहरूका कोभिड वार्डहरु सबै भरिभराउ भएको, नयाँ थपिने क्रम नरोकिएको भन्दै कोरोनाको संक्रमण रोक्नका लागि लकडाउन गरिएको आदेशमा उल्लेख छ ।

अत्यावश्यक कामबाहेकका हिंडडुलमा समेत प्रतिबन्ध लगाइएको र निषेध गरिएका कार्य गर्नेलाई संक्रामक ऐन २०२० तथा स्थानीय प्रशासन ऐन २०२८ अनुसार कारवाही हुने बताइएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर