जर्ज फ्लोएड हत्यामा अमेरिकी पूर्वप्रहरी अधिकारी दोषी ठहर – Nepal Press

जर्ज फ्लोएड हत्यामा अमेरिकी पूर्वप्रहरी अधिकारी दोषी ठहर

काठमाडौं । अफ्रिकी-अमेरिकी जर्ज फ्लोएडको हत्या अभियोग लागेका एक पूर्व प्रहरी अधिकारी दोषी पाइएका छन् । गतवर्ष मिनिआपोलिसको सडकमा भएको उक्त घटनाको न्यायिक छानविन जुरीहरुको एक कमिटीले गरेको थियो ।

गतवर्षको मे महिनामा मिनिआपोलिसको सडकमा श्वेत जातिका एक ४५ वर्षीय प्रहरी अधिकारी डेरेक शोभिनले नौ मिनेटभन्दा लामो समय फ्लोएडको घाँटी थिचेर हत्या गरिएको भिडियो भाइरल बनेको थियो । उक्त भिडियो लगत्तै विश्वका विभिन्न स्थानमा प्रदर्शन चर्किएको थियो ।

शोभिनलाई तीनवटा अभियोगमा दोषी ठहर गरिएको छ । जसमा सेकेन्ड डिग्री हत्या, थर्ड डिग्री हत्या र आशय बिनाका गैरकानूनी हत्या सामेल छन् । शोभिनलाई जेल सजाय नतोकिँदासम्म उनी हिरासतमै रहनेछन् र दशकौंसम्म जेल जीवन बिताउनुपर्ने हुनसक्छ ।

निर्णयपछि अदालतबाहिर खुशिका दृश्य देखिएका थिए । फ्लोएड परिवारका वकिल बेन क्रम्पले उक्त निर्णय इतिहासको घुम्ती भएको प्रतिक्रिया दिएका छन् । राष्ट्रपति जो बाइडन, उपराष्ट्रपति कमला ह्यारिस, पूर्वराष्ट्रपति बराक आबोमा लगायतले अदालतको निर्णयप्रति प्रसन्नता व्यक्त गरेका छन् ।

प्रतिक्रिया

Leave a Reply

Your email address will not be published. Required fields are marked *