काठमाडौंका विद्यालय बुधबारबाट बन्द गर्न महानगरको अनुरोध – Nepal Press

काठमाडौंका विद्यालय बुधबारबाट बन्द गर्न महानगरको अनुरोध

काठमाडौं । काठमाडौं महानगरपालिकाले आफ्नो क्षेत्रभित्रका विद्यालय बुधबारबाट बन्द गर्न निर्देशन दिएको छ ।

महानगरले एक विज्ञप्ति जारी गर्दै सरकारले सोमबार गरेको निर्णय अनुसार विद्यालय बन्द गरी वैकल्पिक माध्यमबाट कक्षा सञ्चालन गर्न निर्देशन दिएको हो ।

कोभिड-१९ को संक्रमण बढ्ने क्रममा रहेको र बालबालिकाहरूमा संक्रमण फैलन सक्ने देखिएकाले विद्यालय बन्द गरी भर्चुअल तथा वैकल्पिक माध्यमबाट कक्षा सञ्चालन गर्न विद्यालयहरूलाई महानगरले निर्देशन दिएको हो ।

विद्यालयमा पूर्व निर्धारित परीक्षा सञ्चालन गराउँदा २५ जना भन्दा बढी विद्यार्थीहरू एकै पटक भेट हुने व्यवस्था मिलाउन महानगरको निर्देशन छ । विज्ञप्तिमा उल्लेख भएअनुसार विद्यालय बन्द भए पनि प्रशासन भने नियमित रुपमा सञ्चालन रुपमा सञ्चालन गर्नुपर्नेछ ।

वैकल्पिक माध्यमबाट कक्षा सञ्चालन लगायतका क्रियाकलापमा विद्यालय व्यवस्थापन समिति र शिक्षक अभिभावक संघका पदाधिकारीहरूले नियमित अनुगमन गर्ने महानगरको विज्ञप्तिमा जनाइएको छ ।


प्रतिक्रिया

Leave a Reply

Your email address will not be published. Required fields are marked *