दस्तावेज र अभिलेख अध्ययन गर्न संसदीय समिति लुम्बिनीमा – Nepal Press

दस्तावेज र अभिलेख अध्ययन गर्न संसदीय समिति लुम्बिनीमा

रुपन्देही । बृहत्तर लुम्बिनी क्षेत्रका राष्ट्रिय महत्वका दस्तावेजका स्थलगत निरीक्षण तथा अध्ययनको लागि संसदीय समिति लुम्बिनी क्षेत्रमा आइपुगेको छ ।

संसदको प्रत्यायोजित व्यवस्थापन तथा सरकारी आश्वासन समितिले लुम्बिनी, तिलौराकोट, देवदह, रामग्राम क्षेत्रमा रहेका विभिन्न अभिलेख तथा दस्तावेजहरुको अध्ययन तथा निरीक्षण गरिरहेको लुम्बिनी विकास कोषका सदस्य सचिव सानुराजा शाक्यले बताए ।

समितिका सभापति रामनारायण विडारीको नेतृत्वमा सांसदहरु गोपाल भट्टाराई, तुलसाकुमारी दाहाल र नैनकला ओझा तथा उपसचिव कमला शाक्यसहितको संसदीय टोली लुम्बिनी क्षेत्रमा आएको हो ।

समितिले अशोक स्तम्भमा रहेको अभिलेख तथा अन्य दस्तावेजहरुको अध्ययन गरिरहेको छ । समितिले विकास कोषका पदाधिकारीसँग समेत छलफल तथा अन्तरक्रिया गरेको छ ।

समितिले प्रारम्भिक रुपमा लुम्बिनी विकास कोषको पुस्ताकालय र संग्रहालयको स्तरोन्नती र प्रभावकारी व्यवस्थापन जरुरी रहेको निष्कर्ष निकालेको समितीका सभापति बिडारीले बताए ।

उनले भने, ‘पुस्ताकालयको स्तरोन्नती र कोषको संग्रहालयको प्रभावकारी व्यवस्थापन आवश्यक देखियो । यसैगरी विद्यमान संरचनाको रेखदेख तथा गुरुयोजना अनुसारको काम समयमै सम्पन्न गर्न चालु पुँजीको अभाव देखियो ।’

 


प्रतिक्रिया

Leave a Reply

Your email address will not be published. Required fields are marked *