एमाले बैठक १० गतेसम्मलाई स्थगित, विधान सम्मेलन साउन अन्तिम साता

काठमाडौं । नेकपा एमाले दशौं राष्ट्रिय महाधिवेशन आयोजक समितिको बैठक १० गते फेरि बस्नेगरी स्थगित भएको छ ।

बैठकमा अध्यक्ष केपी शर्मा ओलीको राजनीतिक प्रतिवेदन पेश भएको केन्द्रीय सदस्य महेश बस्नेतले जानकारी दिए ।

सोही बैठकले राष्ट्रिय प्रतिनिधि परिषद्को बैठक साउन २५ देखि २७ गतेसम्म राख्ने निर्णय समेत गरेको छ । सोही बैठकले विधान सम्मेलनको काम गर्ने र एमालेको विधान संशोधन मस्यौदालाई पारित गर्ने बताइएको छ ।

बैठकले केन्द्रीय सदस्यहरुको कार्यबिभाजन र बिभागीय जिम्मेवारी तोक्नका लागि संगठन विभाग प्रमुख बिष्णु पौडेल,शंकर पोखरेल र टोपवहादुर रायमाझी रहेको कार्यदल गठन गरेको केन्द्रीय सदस्य बिशाल भट्टराईले जानकारी दिए ।