तीन महिनापछि फिल्म हलहरु पुनः बन्द

काठमाडौं । सरकारले कोरोनाको न्यू भेरिएन्टको जोखिम कम गर्न बैशाख मसान्तसम्म सबै फिल्म हलहरु बन्द गर्ने निर्णय गरेको छ ।

आज बसेको मन्त्रिपरिषद् बैठकले हलसहित भीडभाड हुने सबै क्षेत्रलाई बन्द गर्न निर्देशन दिएको हो ।

लकडाउनपछि गत पुस २६ गतेदेखि खुलेका फिल्म हलहरु तीन महिनापछि पुनः बन्द भएका हुन् । सरकारले उक्त मितिमा ५० प्रतिशत अकुपेन्सीसहित फिल्म हल संचालन गर्न दिने निर्णय गरेको थियो ।

भीडभाड हुने ठाउँमा जनस्वास्थ्यका मापदण्ड पालना गर्न कठिन हुने भन्दै मन्त्रिपरिषद्ले शिक्षण संस्थाहरु, पार्टी प्यालेस, हेल्थ क्लब, जिमखाना, स्वीमिङ पुल, सभा समारोह, हाटबजार, दर्शकसहितका रंगशाला र जुलुस बन्द गर्ने निर्णय गरेको हो ।

फिल्म हलहरु तीन महिनामा न्यून अकुपेन्सीसहित प्रदर्शन भैरहेका थिए ।