पूर्वराजा स्वदेश फर्किए, विमानस्थलभित्रै ‘हाम्रो राजा हाम्रो देश’ को नारा – Nepal Press

पूर्वराजा स्वदेश फर्किए, विमानस्थलभित्रै ‘हाम्रो राजा हाम्रो देश’ को नारा

काठमाडौं । १० दिन लामो भारत भ्रमण सकेर पूर्वराजा ज्ञानेन्द्र वीर विक्रम शाह आज स्वदेश फर्किएका छन् । त्रिभुवन विमानस्थलमा उनलाई भव्य स्वागत गरिएको छ ।

भारतको हरिद्वारमा आयोजित कुम्भमेलामा भाग लिएर फर्केका पूर्वराजालाई स्वागत गर्न त्रिभुवन विमानस्थलमा ठूलो भीड जम्मा भएको छ । एउटा समूह विमानस्थलको भित्री गेटसम्म नै पुगेको थियो । विमानस्थलबाट बाहिरिने क्रममा पूर्वराजालाई पञ्चकन्याले सयपत्री फूलको माला लगाइदिए । विमानस्थलभित्र पञ्चेवाजासमेत घन्काइएको छ ।

अर्को ठूलो समूह विमानस्थलको बाहिरी गेटमा जम्मा भएको छ । समर्थकहरूले राजसंस्थाको समर्थनमा नारावाजी गरेका छन् । धेरैको हातमा नेपालको राष्ट्रिय झण्डा छ । विमानस्थलमा र बाहिर बाक्लो संख्यामा सुरक्षाकर्मी परिचालित छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर