सर्वदलीय बैठकमा कांग्रेसको चासो : एमसीसी संसदबाट चाँडो पास गरियोस् – Nepal Press

सर्वदलीय बैठकमा कांग्रेसको चासो : एमसीसी संसदबाट चाँडो पास गरियोस्

काठमाडौं । प्रमुख विपक्षी नेपाली कांग्रेसले अमेरिकी सहायता परियोजना (एमसीसी) संसदबाट चाँडो पास गराउन सरकारलाई आग्रह गरेको छ । शनिवार प्रधानमन्त्री निवास बालुवाटारमा भएको सर्वदलीय बैठकमा कांग्रेसले एमसीसी नरोक्न आग्रह गरेको हो ।

बैठकपछि पत्रकारहरुसँग कुरा गर्दै कांग्रेस बरिष्ठ नेता रामचन्द्र पौडेलले कांग्रेस सभापति शेरवहादुर देउवा प्रधानमन्त्री भएको बेला सम्झौता भएको एमसीसी पारित हुनुपर्ने धारणा आफूहरुले राखेको बताए ।

पौडेलले भने–हामीले आफ्नो कुरा प्रष्टसँग राखेका छौं । एमसीसी शेरवहादुरजीको पालामा भएको हो । त्यसमा आपत्तिजनक कुरा छन् भने छलफल गरौं । होइन भने संसदबाट पास हुनुपर्छ भन्ने हाम्रो कुरा हो ।

कांग्रेसले कोभिड संक्रमण बढेको भन्दै नियन्त्रणका लागि लकडाउन बाहेकका विकल्प सोच्न सरकारलाई आग्रह गरेको पौडेलले बताए ।

प्रतिक्रिया

Leave a Reply

Your email address will not be published. Required fields are marked *