जनार्दन शर्माको दावी : कर्णाली प्रकरण राष्ट्रिय राजनीतिलाई मार्गदर्शन – Nepal Press

जनार्दन शर्माको दावी : कर्णाली प्रकरण राष्ट्रिय राजनीतिलाई मार्गदर्शन

काठमाडौं । नेकपा (माओवादी केन्द्र)का नेता तथा कर्णाली इन्चार्ज जनार्दन शर्माले कर्णालीमा पछिल्लो पटक देखिएको राजनीतिले राष्ट्रिय राजनीतिलाई मागर्दशन गरेको बताएका छन् ।

आज विहान सामाजिक सञ्जालमा छोटो टिप्पणी गर्दै शर्माले कर्णालीमा जस्तै संघीय सरकारमा समेत माधव नेपाल पक्षले एमालेलाई सत्ताच्युत गर्न सघाउने संकेत गरेका हुन् ।

शर्माले भनेका छन्- कर्णालीमा राजनीति । राजनीतिमा बिधि नमान्नेलाई एक सबकमात्र होइन राष्ट्रिय राजनीतिक संकट समाधानको लागि मार्गदर्शन पनि हो ।

कर्णाली प्रदेशसभामा शुक्रवारमात्र माओवादीका मुख्यमन्त्री महेन्द्रवहादुर शाहीलाई एमालेका प्रकाश ज्वालासहित चारजना सांसदले विश्वासको मत दिएर सरकार जोगाइदिएका थिए ।

अन्य प्रदेशमा पनि माधव नेपाल पक्षले एमालेका मुख्यमन्त्री हटाउन आवश्यक पर्ने मत फ्लोर क्रस गर्ने समझदारी बनेको बताइएको छ ।

कर्णाली प्रकरण लगत्तै आज विहान माओवादी अध्यक्ष प्रचण्ड र एमालेका नेता माधवकुमार नेपालबीच कोटेश्वरका एक व्यवसायीको घरमा वार्ता भएको थियो ।


प्रतिक्रिया

One thought on “जनार्दन शर्माको दावी : कर्णाली प्रकरण राष्ट्रिय राजनीतिलाई मार्गदर्शन

  1. याे त विद्यमान राजनीतिक प्रणालीलाई प्रतिगमन तिर धकेल्ने,याे राजनितिक प्रणाली ठिक छैन भन्ने प्रमाणित गर्ने बाटाे हाे ।बास्तविक प्रतिगमनकारी चिनिदैछन्।

Leave a Reply to Ekaraj Bhattatai Cancel reply

Your email address will not be published. Required fields are marked *

सम्बन्धित खवर