आरबीबी-एनभीए लिग: बुलबुलेविरुद्ध एपीएफ विजयी – Nepal Press

आरबीबी-एनभीए लिग: बुलबुलेविरुद्ध एपीएफ विजयी

काठमाडौं । बिहीबारदेखि सुरु भएको आरबीबी-एनभीए राष्ट्रिय भलिबल लिगको पुरुषतर्फ विभागीय टोली नेपाल एपीएफ क्लबले बुलबुले रारा क्लबविरुद्ध ३-१ सेटमा जित हासिल गरेको छ ।

त्रिपुरेश्वरस्थित राष्ट्रिय खेलकुद परिषद्को कभर्डहलमा भएको खेलको सुरुआती दुई सेट २५-२० र २८-२६ को नतिजामा जितेको एपीएफले तेस्रो सेट १८-२५ ले गुमाएको थियो । अति प्रतिस्पर्धात्मक खेलको चौथो सेटमा एपीएफले ३२-३० को नतिजामा रोमाञ्चक जित हासिल गर्‍यो ।

एपीएफले आगामी खेलमा भोलि मणिमुकुन्द भलिबल क्लबसँग खेल्ने छ भने बुलबुले राराले भोलि नै त्रिभुवन आर्मी क्लबको सामना गर्नेछ ।

प्रतियोगिताको विजेताले ३ लाख, दोस्रो हुनेले १ लाख ५० हजार र तेस्रोले ७५ हजार प्राप्त गर्ने भलिबल संघले बताएको छ । प्रतियोगितामा पुरुषतर्फ ७ र महिलातर्फ ६ टीमले प्रतिस्पर्धा गरिरहेका छन् । विधागत उत्कृष्ट खेलाडीले १०/१० हजार पाउँनेछन् ।

प्रतिभावान र उत्कृष्ट खेलाडीलाई राष्ट्रिय टोलीको प्रशिक्षणका लागि छनोट गरिने संघले जनाएको छ ।

     
प्रतिक्रिया

Leave a Reply

Your email address will not be published.