हङकङ अदालतद्वारा मिडिया धनाढ्यसहित ७ जनालाई जेल सजायको फैसला – Nepal Press

हङकङ अदालतद्वारा मिडिया धनाढ्यसहित ७ जनालाई जेल सजायको फैसला

हङकङ अदालतले सन् २०१९ मा भएको प्रदर्शनमा भाग लिएको आरोपमा मिडिया धनाढ्य जिम्मी लेइ र ६ जना पूर्व सांसदलाई विहिबार दोषी ठहर गरेको छ ।

८२ वर्षे मिडिया व्यापारी लेइसहित सातजनाले यसअघि आफूहरु दोषी नभएको जिकिर गरेका थिए । तर, अब अदालतको आदेशपछि उनीहरु जेल बस्नुपर्ने भएको छ ।

प्रदर्शनको सिलसिला चर्कन थालेपछि चीनले हङकङको अधिकार र स्वतन्त्रतामाथि दबाब सिर्जना गरिरहेको छ । चीनले यसैसाता आफूप्रति इमान्दारलाई निर्वाचित हुन सजिलो हुने गरि निर्वाचन कानूनमा व्यापक परिवर्तन गरेको छ ।

यी सातैजनालाई सन् २०१९ को अगस्ट १२ देखि १८ सम्म भएको महिनौं लामो प्रदर्शनमा भाग लिएको आरोप लगाइएको छ । सजाय सुनाइएका मध्ये हङकङका पिता भनिने ८२ वर्षे मार्टिन ली र लामो कपाल भएको रुपमा चिनिने अभियन्ता लिङ कक हङसम्म छन् ।

प्रतिक्रिया

Leave a Reply

Your email address will not be published.

सम्बन्धित खवर