समानान्तर कमिटी गठन गरेका एमालेका तीन नेता पार्टीबाट निष्कासित – Nepal Press

समानान्तर कमिटी गठन गरेका एमालेका तीन नेता पार्टीबाट निष्कासित

रुपन्देही । नेकपा एमाले जिल्ला कमिटी अर्घाखाँचीले पार्टी हितविपरीत समानान्तर कमिटी गठन गर्ने तीन नेतालाई पार्टीको साधारण सदस्यसमेत नरहनेगरी निष्कासन गरेको छ ।

पार्र्टीको विभिन्न जिम्मेवारीमा रहेनर पार्टीविरोधी क्रियाकलाप गरेकाले उनीहरुलाई निष्कासन गरिएको एमाले अर्घाखाँचीले जनाएको छ ।

जिल्ला पार्टीको आज बसेको बैठकले नेकपा एमालेका तत्कालीन सचिव रामबहादुर चौहान, संविधानसभाका सदस्य तथा पार्टी संगठित सदस्य डा. दुमनसिंह थापा र सिद्धिप्रसाद भुसाललाई पार्टी हितविपरीत विभाजनकारी गतिविधिमा संलग्न रहेको भन्दै पार्टीबाट निष्कासन गरिएको हो ।

चौहान तीन दिनअघि एमाले माधव नेपाल समूहले गठन गरेको समूहको जिल्ला अध्यक्ष बनेका थिए ।

चौहानलाई पार्टी विधानको धारा ४९ (ख) अनुसार पार्टी संगठित सदस्यतासमेत नरहने गरी पार्टीबाट निष्कासन गर्ने निर्णय गरेको एमाले जिल्ला अध्यक्ष चेतनारायण आचार्यले जानकारी दिएका छन् ।

‘पार्टी विभाजनकारी गुटगत क्रियाकलापमा संलग्न रही पार्टी अनुशासन उल्लंघन गर्ने अन्य केही व्यक्तिहरुलाई पार्टी विधानअनुसार स्पष्टीकरण माग गर्ने निर्णय पनि एमालेले गरेको छ ।’ अध्यक्ष आचार्यद्धारा जारी विज्ञप्तीमा जनाइएको छ ।

नेकपा एमाले जिल्ला कमिटी अर्घाखाँचीको विभिन्न पदमा रही केही समयदेखि पार्टी वरोधी क्रियाकलाप गरेकाले पार्टीबाट निष्कासन गरेको नेता शोभाखर पन्थीले नेपाल प्रेसलाई जानकारी दिए ।

 

प्रतिक्रिया

Leave a Reply

Your email address will not be published.

सम्बन्धित खवर