बालुवाटारमा एमाले संसदीय दलको बैठक, बामदेवलाई पनि बोलाइयो – Nepal Press

बालुवाटारमा एमाले संसदीय दलको बैठक, बामदेवलाई पनि बोलाइयो

काठमाडौं । पुस ७ मा नेकपा विभाजनपछि एकता अभियान चलाइरहेका एमाले उपाध्यक्ष बामदेव गौतमलाई संसदीय दलको बैठकमा आउन आग्रह गरिएको छ । आज प्रधानमन्त्री निवास बालुवाटारमा बस्ने बैठकमा आउन प्रमुख सचेतक विशाल भट्टराईले फोन गरेका हुन् ।

गौतमले आफू यसबीचमा कुनै समूहमा नलागेको भन्दै बैठकमा आउनेबारे बिचार गर्ने जवाफ दिएको बताइएको छ । गौतम राष्ट्रियसभा सदस्य हुन् । गौतम पत्नी तुलसा भने एमाले पुनःस्थापनापछि अध्यक्ष केपी ओलीले बोलाएका बैठकमा सहभागी हुने गरेकी छन् ।

सर्वोच्च अदालतको फैसलाले नेकपा भंग भएपछि राष्ट्रियसभामा एमालेको संसदीय दलको नेता खाली रहेको छ । यसअघि नेकपाका नेता दिनानाथ शर्मा माओवादीको दलको नेता बनेका छन् ।

एमाले अध्यक्ष तथा संसदीय दलका नेता ओलीले नेपालप्रेससँगको अन्तर्वार्तामा आफूले राष्ट्रियसभामा प्रतिनिधि (दलको नेता) चाँडै तोक्न लागेको बताएका छन् ।

प्रतिक्रिया

Leave a Reply

Your email address will not be published.

सम्बन्धित खवर