चियापानमा सहभागी नेताहरुले भने- पार्टी जोगाउन अध्यक्ष ओलीको पहलकदमी ठीक छ – Nepal Press

चियापानमा सहभागी नेताहरुले भने- पार्टी जोगाउन अध्यक्ष ओलीको पहलकदमी ठीक छ

काठमाडौं । प्रधानमन्त्रीको सरकारी निवास बालुवाटारमा मंगलबार आयोजित चियापान समारोहमा सहभागी नेकपा (एमाले)का केन्द्रीय सदस्यहरुले पार्टी अध्यक्ष एवम् प्रधानमन्त्री केपी शर्मा ओलीले पार्टी एकताको पहल गरेको भन्दै बचाउ गरेका छन्।

चियापानमा सहभागि शेरबहादुर तामाङले एमाले भित्रको विवाद मिलाउन प्रधानमन्त्री ओलीले पहलकदमी लिएकोको बताए। । चियापान कार्यक्रममा सञ्चारकर्मीसँग कुराकानी गर्दै नेता तामाङले अदालतको फैसला अघि निषेधको तहसम्म पुगका नेता कार्यकर्तालाई मिलाउन समय लाग्ने भएपनि प्रधानमन्त्री ओलीले विवाद कम गर्न पहल गरेको बताए।

अर्का केन्द्रीय कमिटी सदस्य पासाङ शेर्पाले विभिन्न खालका झगडियाहरुको भेलामा बस्नुभन्दा सबल नेतृत्वको पछाडि लाग्दा जनताको विकास र समृद्धिको अपेक्षा पुरा गर्न सकिने निष्कर्षका साथ आफूले केपी ओली नेतृत्वको एमाले रोजेको बताए। त्यस्तै केन्द्रीय कमिटी सदस्य देवी ज्ञवालीले पार्टी भित्रको मतमतान्तर सिद्धान्त भित्रै रहेर राख्नुपर्ने बताए।

शेरबहादुर तामाङ
अदालतको फैसला अगाडि हामी एकदम निषेधकै तहमा उभिएका थियौँ । तर अदालतको फैसला पछाडि पूर्ववत् अवस्थामा एमाले र माओवादी केन्द्र भइसकेपछाडि त्यो फैसला अगाडिका हाम्रा गतिविधिलाई आकार लिनलाई टाइम लाग्छ । त्यही टाइम लाग्ने भाको हुनाले पार्टी अध्यक्षको तर्फबाट उहाँले पहलकदमी शुरु गर्नुभा’छ । यो खालको विवाद नहोस्, सबै टुंगियोस् भनेर पहलकदमी जुन गर्नुभा’छ यो पहलकदमीले पार्टीलाई फेरिपनि एक ठाउँमा लिएर आउँछ ।

पासाङ शेर्पा
नेपाली जनताले अपेक्षा गरेको राजनीतिक स्थिरता, विकास र समृद्धिको लागि राजनीतिक स्थिरता हो । र मैले आफ्नो लामो विश्लेषणपछि राजनीतिक स्थिरतालाई कायम गर्न सक्ने नेतृत्वको साथमा बस्न पाए हुन्थ्यो भन्ने सोचेरै एमालेमा रहने निर्णय गरेँ । खासगरी पहिले पनि नेकपा(एमाले) सम्बद्ध रहेको नेपाल कम्युनिष्ट पार्टीमा रहियो । त्यसपछि पार्टी सर्वोच्च अदालतले पूर्ववत् अवस्थामा फर्कायो । तर यहाँ काम गरिरहँदाको मेरो अनुभुति वर्तमान केपी ओलीको सरकार र नेतृत्वले मुलुकमा शान्ति, स्थायित्व, विकास, समृद्धिको मुद्धा बोकेको हुँदाखेरी र नेपाली जनताको पनि सर्वाधिक अपेक्षा केपी ओलीबाटै गरेको हुनाले केपी ओलीकै नेतृत्वमा रहेको नेकपा(एमाले)मा जोडिन पुगें । विभिन्न खालको झगडियाहरुको भेला भएको भेलाभित्र बस्नुभन्दा एउटा सवल नेतृत्वको पछाडि लागेर जाँदाखेरी नै नेपाली जनताको विकास र समृद्धिको अपेक्षालाई पुरा गर्न सकिन्छ भन्ने निष्कर्ष निकालेर म यहाँ पुगेको छु ।

देवी ज्ञवाली
हामी हाललाई हाम्रो एमाले संगठनलाई व्यवस्थित, पुर्नगठित र नयाँ गतिका साथ सामूहिक दायित्वहरुलाई, राष्ट्रिय दायित्वलाई निर्वाह गर्नेगरी एमाले अगाडी बढ्नुपर्छ भन्ने हामीले सोचिरहेका छौँ । विगतमा केही खालका एउटा गतिशिल पार्टीमा मत मतान्तर हेर्ने दृष्टिकोणहरुका विविधता पनि हुन्छन् तर ति विविधता भनेका आधारभुत मुल मर्म सँग अन्र्तनिहित हुन्छन् । आधारभुत लाइन, आधारभुत सिद्धान्तभित्र रहेर नै मत मतान्तरहरु रहनुपर्छ। त्यो मत मतान्तरका सन्दर्भमा केही साथीहरु अहिले बाहिर रहनुभयो ।

समिना हुसेन
म एमाले बाट निर्वाचित सांसद प्रधानमन्त्रीले बोलाएको चियापानमा जाँदा केही गुटगत मानसिकता बोकेका ले माधवको सांसद वलीको चियापानमा भनेर नाम प्रचार प्रसार गरेकोमा घोर आपत्ति छ मैले बाल्यकालमा देखेको एमाले खोई कहाँ छ? म जहाँ थिएँ त्यही छु र रहिरहन्छु। कोही भ्रममा नपरे हुन्छ ।

प्रतिक्रिया

Leave a Reply

Your email address will not be published. Required fields are marked *