बालुवाटारमा एमाले नेताहरुको चियापान, माधव पक्ष नजाने

काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले पार्टीका केन्द्रीय सदस्य तथा सांसदहरुलाई आज चियापानका लागि बालुवाटारमा बोलाएका छन् ।

पार्टी पहिलेकै अवस्थामा फर्किएको सन्दर्भमा केन्द्रीय कमिटीको ७ गतेको बैठकअघि सदस्यहरुलाई चियापानका लागि बोलाइएको हो ।

प्रधानमन्त्री निवास बालुवाटारमा चियापानको तयारी भइसकेको छ । तर माधव नेपाल पक्षले चियापान बहिस्कार गर्ने भएको छ । सोही समयमा वामदेव गौतम पक्षले पनि आफ्नो एकता अभियानको बैठक बोलाएको छ ।

माधव नेपाल पक्षले फागुन २८ गतेको निर्णय बदर हुनुपर्ने माग गरेको छ । तर अध्यक्ष ओलीले ती सबै विषय केन्द्रीय कमिटी बैठकमा छलफल गरिने भन्दै नेपाल पक्षको शर्त अस्वीकार गरेका छन् ।