एल्चेबिरुद्ध कठिन जितपछि रियल मड्रिड ला लिगाको दोस्रो स्थानमा

एजेन्सी । रेलिगेसनको खतरामै रहेको एल्चेमाथिको पुनरागमन जितका साथ रियल मड्रिड स्पेनिस ला लिगाको दोस्रो स्थानमा पुगेको छ ।

करिम बेन्जिमाले इन्जूरी समयमा गोल गरी टिमलाई जित दिलाएका हुन् । सान्तियागो वर्नबाउमा रियल मड्रिडले ६१ औं मिनेटमा गोल खाएको थियो । एल्चेका लागि ड्यानी काल्भोले गोल गरेका थिए ।

तर, बेन्जिमाले ७३ औं मिनेटमा गोल गरी खेल बराबरीमा ल्याए । त्यसयता इन्जुरी समयमै उनैले गोल गरी महत्वपूर्ण तीन अंक दिलाए ।

यो जितपछि २७ खेलबाट ५७ अंकसहित रियलले बार्सिलोनालाई १ अंकले पछि पारेर दोस्रो स्थानमा पुगेको हो । समान खेलबाट शीर्ष स्थानको एट्लेटिको मड्रिडको ६३ अंक छ । बार्सिलोनाले भने १ खेल कम खेलेको छ ।