नक्कली नोटसहित कञ्चनपुरमा एकजना पक्राउ
नेपाल प्रेस
२०७७ फागुन २६ गते १२:१२
कञ्चनपुर । कृष्णपुर नगरपालिका-९ पिपरीयाका २५ वर्षीय संजय राना नक्कली नोट बनाउने सामान र नक्कली नोटसहित पक्राउ परेका छन् ।
जिल्ला प्रहरी कार्यालय कञ्चनपुर र ईलाका प्रहरी कार्यालय गुलरियाको टोलीले रानाको साथबाट १ हजार दरको २ थान र १ सय दरको २ थान नक्कली नोट बरामद गरेको छ ।
उनले सञ्चालन गर्दै आएको किराना पसलबाट १ थान फलामको कैची, १ हजार दरको नेपाली नोटको साइज नाप्ने फलामको पाताको साँचो, गम, फोटोकपी पेपर, रंगिन फोटोकपी मेसिन, डेस्कटप कम्प्युटर पनि बरामद गरिएको छ ।
रानालाई हिरासतमा राखेर थप अनुसन्धान थालिएको कञ्चनपुर प्रहरीले जनाएको छ ।
नेपाल प्रेस
प्रकाशित: २०७७ फागुन २६ गते १२:१२
प्रतिक्रिया
सम्बन्धित खवर
