१२ वर्षपछि जोडी बाँध्दै विनय र नम्रता, क्राइम थ्रीलर फिल्म बन्ने – Nepal Press

१२ वर्षपछि जोडी बाँध्दै विनय र नम्रता, क्राइम थ्रीलर फिल्म बन्ने

काठमाडौं– ‘सानो संसार’ रिलिजको १२ वर्षपछि विनय श्रेष्ठ र नम्रता श्रेष्ठले स्क्रिन सेयर गर्ने भएका छन् । निर्माण हुन लागेको एक अनटाइटल प्रोजेक्टमा ‘सानो संसार’को जोडीलाई देख्न पाइने भएको हो ।

फिल्ममा सरुक ताम्राकारको समेत मुख्य भूमिका हुनेछ ।

क्राइम थ्रीलर र लभस्टोरी विधामा बन्ने फिल्मलाई राजीव गुरुङले निर्माण गर्नेछन् । भारतको सिक्किम र नेपालमा छायांकन हुने फिल्मको लोकेसन खोजीका लागि यसैसाता अभिनेता विनय सिक्किममा थिए ।

जहाँ उनले सिक्किम फिल्म बोर्डकी अध्यक्ष पूजा शर्मा र पदाधिकारीलाई भेट गरे । ५० प्रतिशत छायांकन आफ्नो थलोमा गर्न सिक्किम सरकारले बन्दोबस्तीमा सहयोग गर्ने भएको छ । जुन महिनादेखि छायांकन सुरु हुने फिल्मलाई नेपाल र भारतमा एकैसाथ रिलिज गर्ने तयारी छ । २ करोड बजेट विनियोजन गरिएको फिल्मले दुबै देशको पर्यटनमा सघाउने विश्वास लिएको अभिनेता श्रेष्ठले नेपाल प्रेसलाई बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर