हल्ला गर्न पो संसद पुन:स्थापना भनेको रहेछ : प्रधानमन्त्री ओली

प्रधानमन्त्री केपी शर्मा ओलीले पुन:स्थापित संसदलाई समस्या समाधानबारे छलफल गर्ने थलो बनाउनु पर्नेमा त्यसो नभएको टिप्पणी गरेका छन्।

सोमबार राजधानीमा आयोजित १११औं अन्तर्राष्ट्रिय महिला दिवस सम्बन्धी कार्यक्रमलाई सम्बोधन गर्दै ओलीले संसदलाई हल्ला गर्ने ठाउँ बनाएको पनि आरोप लगाए।

‘संसद पुन:स्थापित किन भनेको त हल्ला गर्न रहेछ,’ प्रचण्ड-माधव पक्षलाई कटाक्ष गर्दै ओलीले भने,‘अब पुन:स्थापित संसद्लाई देश र जनताका समस्याको बारेमा छलफल गर्ने थलो बनाउँ, समाधानको उपाय खोज्ने थलो बनाउँ। छलफल गर्दा माननीयले बोल्ने भाषाजस्तै बोलेर छलफल गरौं न। छलफल गरेको हो कि, उफ्रेको हो कि, धामी नाच हो कि ?’