सर्वोच्चको फैसला निर्वाचन आयोगमा, एमाले- माओवादी पुनः अस्तित्वमा

काठमाडौं । सर्वोच्च अदालतले सत्तारुढ नेपाल कम्युनिष्ट पार्टी (नेकपा) को दल दर्ता खारेज सम्बन्धी गरेको फैसला आइतबारै निर्वाचन आयोगमा पुगेको छ ।

आयोगले साँझ प्रेस विज्ञप्ति जारी गरी अदालतको फैसला कार्यालय समयमै प्राप्त भई दर्ता गरिएको जनाएको छ । निर्वाचन आयोगले अब अदालतको फैसला बमोजिम नेकपाको दल दर्ता खारेज गरी ऋषि कट्टेलको नाममा गरेर एमाले र माओवादी केन्द्रलाई पुनः दर्ताको प्रक्रिया अघि बढाउने भएको छ ।

अदालतको आदेशसँगै यसअघि निर्वाचन आयोगमा दर्ता रहेका सन्ध्या तिवारी नेतृत्वको नेकपा एमाले र गोपाल किराती नेतृत्वको नेकपा माओवादी केन्द्र स्वतः खारेज भएका छन् ।

आयोगका एक आयुक्तका अनुसार केपी ओली अध्यक्ष रहेको नेकपा एमाले र पुष्पकमल दाहाल अध्यक्ष रहेको नेकपा माओवादी केन्द्र अदालतबाट निर्वाचन आयोगको निर्णय उत्प्रेषणको आदेशबाट बदर भएसँगै स्वतः अस्तित्वमा आएका छन् ।

प्रतिक्रिया

Leave a Reply

Your email address will not be published. Required fields are marked *