महरालाई भेट्न पुगे विप्लव

काठमाडौं । नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ प्रचण्ड-पक्षीय नेकपाका नेता एवं पूर्वसभामुख कृष्णबहादुर महरासँग भेट गरेका छन् ।

महरालाई भेट्न विप्लव आइतबार उनकै निवास पुगेका थिए । विप्लवसँग सरकारसँगको वार्ताका लागि गठित समितिका सदस्य तथा केन्द्रीय सदस्य उदय चलाउने ‘दीपक’ पनि पुगेका थिए । उनीहरूबीच समसामयिक राजनीतिक परिवेशमा छलफल भएको बताइएको छ ।

सरकारसँगको वार्तामा ३ बुँदे सहमतिसँगै शान्तिपूर्ण खुला राजनीतिमा आएदेखि विप्लवले राजनीतिक भेटघाटलाई तीब्र पारेका छन् ।

शनिबार बिहान गृहमन्त्री रामबहादुर थापा बादलसँग भेट गरेका उनले संयुक्त रणनैतिक मोर्चामा रहेका दलका नेताहरूसँग छलफल गरेका थिए ।

तत्कालीन माओवादीमा विप्लव र महरा सँगै थिए ।