काठमाडौंमा विप्लवको दौडधुप : बादल र वलीपछि वैद्यलाई भेट्दै – Nepal Press

काठमाडौंमा विप्लवको दौडधुप : बादल र वलीपछि वैद्यलाई भेट्दै

काठमाडाैं । सरकारसँग सहमति भएपछि खुला भएका नेत्रविक्रम चन्द ‘विप्लव’ले राजनीतिक सक्रियता बढाएका छन्।सरकारसँग तीनबुँदे सहमति गरेको भोलिपल्ट शनिबार बिहानै विप्लवले गृहमन्त्री रामबहादुर थापा ‘बादल’सँग भेट गरेका थिए।

गृहमन्त्रीसँग कार्यकर्ता रिहाइबारे कुरा गरेपछि विप्लव नख्खु कारागारमा रहेका नेता हेमन्तप्रकाश वलीलाई भेट्न पुगे ।

यही सिलसिलामा विप्लवले आफ्ना राजनीतिक गुरु मोहन वैद्य ‘किरण’सँग पनि भेटघाट गर्ने भएका छन्। यो भेट संयुक्त रणनीतिक मोर्चाको बैठकका सन्दर्भमा हुने भएको हो।

मोर्चामा रहेका विश्वभक्त दुलाल ‘आहुति’ले विप्लव खुला राजनीतिमा आएको परिवेशमा यसबारे छलफल हुन लागेको बताए। ‘एकछिन भेटघाट गर्ने कार्यक्रम छ’ नेपाल प्रेससँग उनले भने, ‘उहाँ खुला भएको हुनाले भेटघाट गर्ने कार्यक्रम राखिएको हो ।’

छलफल वैद्य नेतृत्वको पार्टी कार्यालय रहेको कुपण्डोलस्थित नेवाः राज्य कार्यालयमा हुन लागेको हो। अघिल्लो महिना संसद बाहिर रहेका चार कम्युनिष्ट पार्टीको संयुक्त रणनीतिक मोर्चा बनेको थियो ।

उक्त मोर्चामा वैद्य नेतृत्वको नेकपा– क्रान्तिकारी माओवादी, विप्लव नेतृत्वको नेकपा, आहुति नेतृत्वको वैज्ञानिक समाजवादी क्रान्तिकारी पार्टी र ऋषि कट्टेल नेतृत्वको नेकपा रहेका छन्।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर