नेता सुदर्शनलाई भेट्न नख्खु कारगारमै पुगे विप्लव
नेपाल प्रेस
२०७७ फागुन २२ गते १४:४६
काठमाडौं । आफ्ना पार्टीका नेता भेट्न नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ नख्खु कारगार पुगेका छन्। विप्लवले शनिबार नख्खु कारगारमा थुनामा रहेका नेता हेमन्तप्रकाश ओली ‘सुदर्शन’लाई भेटेका हुन्।
ओलीलाई भेट्न विप्लवसहित खड्गबहादुर विश्वकर्मा र उदयबहादुर चलाउने समेत गएका थिए। शुक्रबार सरकार र विप्लव नेतृत्वको नेकपाबीच भएको तीनबुँदे सहमतिमा सबैलाई रिहा गर्ने सहमति भएको थियो ।
नख्खुस्थित एनसेल कार्यालयको गेटमा भएको बम विस्फोटमा संलग्न भएको आरोपमा ओली पक्राउ परेका थिए। २०७५ चैतमा काभ्रेबाट पक्राउ परेका उनी त्यसयता पुर्पक्षका लागि थुनामा छन्।
सरकारले प्रक्रिया पुरा गरेर थुनामा रहेका विप्लवका सबै कार्यकर्तालाई रिहा गर्ने बताएको छ।
नेपाल प्रेस
प्रकाशित: २०७७ फागुन २२ गते १४:४६
प्रतिक्रिया
सम्बन्धित खवर
