काठमाडौं मेयर्स कप: आर्मीविरुद्ध टस जितेर फिल्डिङ गर्दै एपीएफ – Nepal Press

काठमाडौं मेयर्स कप: आर्मीविरुद्ध टस जितेर फिल्डिङ गर्दै एपीएफ

काठमाडौं । आजदेखि सुरु हुने काठमाडौं मेयर्स कप २०७७ को उद्घाटन खेलमा त्रिभुवन आर्मी क्लबविरुद्ध नेपाल एपीएफ क्लबले टस जितेर फिल्डिङ रोजेको छ ।

त्रिवि क्रिकेट मैदानमा केही बेरमा सुरु हुने खेलमा एपीएफका कप्तान शरद भेसावकरले टस जितेर फिल्डिङ रोजेका हुन् । गत महिना सम्पन्न पीएम कपको फाइनलमा भिडेका दुई टोली पुन आज आमने-सामने हुँदैछन् ।

पीएम कपको फाइनलमा आर्मीले एपीएफलाई पराजित गरेको थियो । एपीएफ सोही फाइनलको बदला लिन चाहन्छ भने आर्मी टोलीका मुख्य तीन खेलाडीको पुनरागमनले उत्साहित छ ।

अबुधावी टी-१० लिग खेल्न गएका तीन खेलाडी- करण केसी, कुशल मल्ल र सोमपाल कामी बिना नै आर्मीले पीएम कप खेलेको थियो । तर, आजको खेलमा तीनै खेलाडी प्लेइङ इलेभेनमा परेका छन् ।

मूलपानी क्रिकेट मैदानमा हुने अर्को खेलमा वाग्मति प्रदेश र नेपाल पुलिस क्लब भिड्दैछन् । तर, आउटफिल्ड चिसो भएकाले त्यहाँ टस हुन सकेको छैन ।

प्रतिक्रिया

Leave a Reply

Your email address will not be published. Required fields are marked *