औद्योगिक क्षेत्र शिलान्यास कार्यक्रममा तनाव, अर्थमन्त्रीले बोल्दै गर्दा ढुंगामुढा – Nepal Press

औद्योगिक क्षेत्र शिलान्यास कार्यक्रममा तनाव, अर्थमन्त्रीले बोल्दै गर्दा ढुंगामुढा

दुई सुरक्षाकर्मी ६ स्थानीय घाइते

रुपन्देही । रुपन्देहीको बुटवल उपमहानगरपालिकास्थित मोतीपुर औद्योगिक क्षेत्रको शिलान्यास कार्यक्रममा असन्तुष्ट स्थानीयले अवरोध गर्दा तनाव उत्पन्न भएको छ ।

कार्यक्रममा अर्थमन्त्री विष्णु पौडेलले बोल्दै गर्दा ढुंगामुढा गर्नुका साथै सभास्थल वरपर आगजनी गरिएको छ । ओद्योगिक शिलान्यास भएपनि स्थानीयले घेराउ गरेका छन् ।

मन्त्री लेखराज भट्टको मन्तव्य सकिएपछि अर्थमन्त्री पौडेल बोल्दै गर्दा स्थिति तनावग्रस्त बनेको थियो ।

प्रदर्शनमा उत्रिएका स्थानीय र प्रहरीबीच झडपसमेत भएको छ । सो क्रममा २ सुरक्षाकर्मी र ६ स्थानीय घाइते भएका छन् । अहिले दुवैजना मन्त्री कार्यक्रमस्थलबाट बाहिरिएका छन् ।

आफूले जोतभोग गरेको जग्गा मोतीपुर औद्योगिक क्षेत्रको नाममा गएको भन्दै स्थानीयले विरोध गरिरहेका थिए । शिलान्यास रोक्न माग गरेपनि औद्योगिक क्षेत्र व्यवस्थापन लिमिटेडले पूर्वनिर्धारित शिलान्यास कार्यक्रम नरोक्ने जनाएको थियो ।

 

प्रतिक्रिया

Leave a Reply

Your email address will not be published. Required fields are marked *