सन्दीप लामिछोनेले मेयर्स कपमा काठमाडौं-११ को कप्तानी गर्ने – Nepal Press

सन्दीप लामिछोनेले मेयर्स कपमा काठमाडौं-११ को कप्तानी गर्ने

काठमाडौं । सन्दीप लामिछाने भोलिदेखि सुरु हुने काठमाडौं मेयर्स कपमा काठमाडौं–११ टीमको कप्तानी गर्ने भएका छन् । पाकिस्तान सुपर लिग (पीएसएल) कोरोना भाइरसको महामारीका कारण स्थगित भएपछि सन्दीप शुक्रबार काठमाडौं फर्किँदै छन् ।

काठमाडौं आएसँगै उनको कोभिड–१९ परीक्षण गर्दा नेगेटिभ देखिए महानगरपालिकाको टोलीको कप्तानी गर्ने नेपाल क्रिकेट संघ (क्यान)का सचिव अशोकनाथ प्याकुरेलले बताए ।

भोलिदेखि त्रिवि क्रिकेट मैदान र मूलपानी क्रिकेट मैदानमा २९ गतेसम्म चल्ने प्रतियोगितामा कूल पाँच टोलीको सहभागिता रहनेछ । गत महिना सम्पन्न भएको प्रधानमन्त्री कप एकदिवसीय राष्ट्रिय पुरुष क्रिकेट प्रतियोगिताका चार सेमिफाइनलिस्ट टोली र बाँकी टोलीका खेलाडी समेटेर तयार पारिएको महानगरपालिकाको टोली रहेका छन् ।

भोलि हुने उद्घाटन खेलमा प्रधानमन्त्री कपको फाइनलमा भिडेका दुई टोली– नेपाल आर्मी क्लब (विजेता) र नेपाल एपीएफ क्लब (उपविजेता) आमनेसामने हुँदैछन् । प्रधानमन्त्री कपका दुई सेमिफाइनलिस्ट नेपाल पुलिस क्लब र वाग्मति प्रदेशले प्रतियोगितामा सहभागिता जनाउने छन् ।


प्रतिक्रिया

Leave a Reply

Your email address will not be published. Required fields are marked *