आरसीटी र श्री कुमारी बराबरीमा रोकिए
नेपाल प्रेस
२०७७ फागुन २० गते १८:५७
काडमाडौं । तेस्रो मिनेटमा लिएको अग्रताको बचाउ गर्न नसक्दा रानीपोखरी कर्नर टिम(आरसीटी) शहीद स्मारक ‘बी’ डिभिजन लिगमा बिहीबार श्री कुमारी क्लबसँग १-१ गोलको बराबरीमा रोकिएको छ ।
सातदोबाटोस्थित एन्फा कम्प्लेक्समा भएको खेलको तीन मिनेट नबित्दै अजित गुरुङले गरेको गोलसँगै आरसीटीले अग्रता लिएको थियो । तर, २२औं मिनेटमा युवराज राईले श्री कुमारीका लागि बराबरी गोल फर्काएका थिए ।
दोस्रो हाफमा दुवैतर्फबाट लगातार प्रयास गरे पनि फिनिसिङमा चुक्दा खेल बराबरीमा टुङ्गिएको हो ।
बराबरीसँगै ९ खेलबाट १३ अंक जोडेको आरसीटी लिग तालिकाको पाँचौं स्थानमा छ । समान खेलबाट ८ अंक जोडेको श्री कुमारी नवौं स्थानमा छ ।
नेपाल प्रेस
प्रकाशित: २०७७ फागुन २० गते १८:५७
प्रतिक्रिया
सम्बन्धित खवर
