रिहा हुने भएपछि चिटिक्क बने विप्लव समूहका नेता धर्मेन्द्र !

काठमाडौं । सरकार र नेत्रविक्रम चन्द विप्लव नेतृत्वको नेकपाबीच वार्ता सफल भएसँगै जेल र हिरासतमा रहेका नेता कार्यकर्तालाई छाड्ने तयारी भैरहेको छ ।

सरकारले विप्लव कार्यकर्तालाई पक्राउ नगर्न पनि प्रहरीलाई निर्देशन दिइसकेको छ । सम्झौताअनुसार विप्लव कार्यकर्तालाई रिहा गर्नका लागि प्रक्रिया सुरुआत गर्ने तयारीमा सरकार छ ।

सर्वोच्च अदालतले रिहाइ गर्न आदेश दिएपनि गेटबाटै पुनः पक्राउ परेका विप्लव समूहको दोस्रो तहका नेता धर्मेन्द्र बाँस्तोला जिल्ला प्रहरी कार्यालय काभ्रेमा देखिए । काठमाडौंमा पक्राउ गरेर बाँस्तोलालाई काभ्रे लगिएको थियो ।

उनकै आग्रहमा प्रहरीले उनको कपाल तथा दाह्री काट्ने प्रबन्ध मिलाएको थियो । बास्तोला विप्लव समूहका प्रभावशाली नेता हुन् । उनकी छोरी र ज्वाइ केही दिनअघिमात्र केपी ओली नेतृत्वको नेकपामा प्रवेश गरेका थिए ।

अहिले उनलाई काभ्रे प्रहरीको हिरासतमा राखिएको छ ।

प्रतिक्रिया

Leave a Reply

Your email address will not be published. Required fields are marked *