नेकपा नफुटेसम्म देशले निकास पाउँदैन : महामन्त्री कोइराला – Nepal Press

नेकपा नफुटेसम्म देशले निकास पाउँदैन : महामन्त्री कोइराला

काठमाडौं । नेपाली कांग्रेसका महामन्त्री डा. शशांक कोइरालाले नेपाल कम्युनिष्ट पार्टी (नेकपा) विभाजन नभएसम्म मुलुकले निकास नपाउने बताएका छन् ।

सिभिल अस्पतालमा कोरोनाविरुद्धको खोप लगाएपछि पत्रकारहरुसँग कुराकानी गर्दै महामन्त्री कोइरालाले नेकपा विवादका कारण मुलुक अनिर्णयको बन्दी बनिरहन नसक्ने बताए ।

‘नेकपामा देखिएको विवादको निकास नआउँदा मुलुक नै अनिर्णयमा परेको छ । मुलुकलाई निकास दिन नेकपा फुट्नै पर्छ । नेकपा फुटाउन कांग्रेसले एउटा पक्षलाई साथ दिनैपर्छ’कोइरालाले भने । उनले संसदमा पार्टीले निर्वाह गर्ने भूमिका र भावी सत्ता सहकार्यबारे पार्टीले औपचारिक निर्णय गर्न बाँकी रहेको बताए ।

‘यसबारे पार्टीले निर्णय गर्न बाँकी छ । नेकपा फुट्छ भने हामीले प्रचण्ड माधव पक्षसंग सहकार्य गर्नुपर्छ भन्ने मेरो व्यक्तिगत प्रस्ताव हो’, कोइरालाले भने । उनले प्रधानमन्त्री केपी ओलीविरुद्ध अविश्वासको प्रस्ताव दर्ता गर्नेबारे पार्टी सभापति शेरबहादुर देउवाले नै छलफल गरिरहेको र आज पदाधिकारी बैठकमा त्यसबारे जानकारी गराउने बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर