अनुराग कश्यप र तपसी पन्नुको घरमा कर विभागको छापा

मुम्बइ- भारतको कर विभागले अनुराग कश्यप, तपसी पन्नु, विकास बहलसहित बलिउडका ठूला हस्तीको घरमा छापा मारेको छ ।

कर छलीको आरोपमा विभागले अन्य ३३ स्थानमा समेत छापा मारेको भारतीय संचारमाध्यमले जनाएका छन् ।

साथै विभागको टोलीले फ्यान्टम फिल्मको कार्यालयमा समेत छापा मारेको जनाइएको छ । उनीहरुमाथि कर छली र स्रोत नखुलेको सम्पत्ति आर्जन गरेको आरोप लगाएको छ ।