स्वास्थ्य स्वयंसेविकाको विवरण एक साताभित्र पठाउन स्थानीय तहलाई परिपत्र – Nepal Press

स्वास्थ्य स्वयंसेविकाको विवरण एक साताभित्र पठाउन स्थानीय तहलाई परिपत्र

काठमाडौ । सरकारले महिला सामुदायिक स्वास्थ्य स्वयंसेविकाको अद्यावधिक विवरण एक साताभित्र पठाइसक्न ७ सय ७३ वटै स्थानीय तहलाई परिपत्र गरेकाे  छ । स्वास्थ्य तथा जनसंख्या मन्त्रालयले संघीय मामिला तथा सामान्य प्रशासन मन्त्रालय मार्फत सबै स्थानीय तहलाई परिपत्र गरेको हो ।

आर्थिक वर्ष २०७८-०७९ को वजेट तर्जुमा गर्नका लागि महिला उनिहरुको अद्यावधिक विवरण आवश्यक परेको भन्दै स्वास्थ्य तथा जनसंख्या मन्त्रालयको स्वास्थ्य समन्वय महाशाखाले फागुन २५ गतेसम्म पठाइसक्न सबै स्थानीय तहलाई परिपत्र गरेको छ ।

मन्त्रालयले महिला स्वास्थ्य स्वयंमसेविकको अद्यावधिक विवरण स्वास्थ्य सेवा विभाग, नर्सिङ तथा सामाजिक सुरक्षा महाशाखामा मन्त्रालयले पठाएको ढाँचामा पठाउन निर्देशन दिएको हो ।

प्रतिक्रिया

Leave a Reply

Your email address will not be published. Required fields are marked *