भीम रावलका अनुसार यस्ता छन् प्रधानमन्त्रीले आफूलाई सुरक्षा खतरा भन्नुका तीन कारण

काठमाडौं । नेपाल कम्युनिष्ट पार्टी नेकपा (प्रचण्ड–माधव पक्ष)का नेता डा. भीम रावलले प्रधामन्त्री केपी शर्मा ओलीले आफूलाई सुरक्षा खतरा भएको भन्नुका विभिन्न कारण औल्याएका छन्। रावलले समाजिक संजाल ट्वीटरमार्फत सार्वजनिक गरेका हुन् ।

उनका अनुसार ती तीन कारणमा अदालतको फैसलापछि झरेको साख बचाउन जनसहानुभूति बटुल्ने, प्रधानमन्त्री नै असुरक्षित भन्ने आवरणमा जनाधिकार कुण्ठित गर्न स्वेच्छाचारी काम गर्ने र अरू कसैमाथि हमला गराउन वातावरण बनाउने रहेका छन्।

तर यसले प्रधानमन्त्री ओलीको अयोग्यता र गैरजिम्मेवारपन देखाउने उनको भनाइ छ। प्रधानमन्त्री ओलीले सोमबार पोखरामा आयोजित कार्यकर्ता भेलालाई सम्बोधन गर्ने क्रममा आफूमाथि शारीरिक हमला समेत हुन सक्ने आँकलन गरेका थिए।

प्रमं केपीले आफुलाई सुरक्षा खतरा भन्नुका सम्भावित कारण:•अदालतको फैसलापछि झरेको साख बचाउन जनसहानुभूति बटुल्ने•प्रमं नै असुरक्षित भन्ने आवरणमा जनाधिकार कुण्ठित गर्न स्वेच्छाचारी काम गर्ने•अरू कसैमाथि हमला गराउन वातावरण बनाउने।तर यसले प्रमंको अयोग्यता र गैरजिम्मेवारपन नै देखाउँछ।

— Bhim Rawal, PhD (@BhimRawal179) March 2, 2021