क्यान्सर अस्पताल उद्घाटन गर्न प्रधानमन्त्री आज झापा आउँदै – Nepal Press

क्यान्सर अस्पताल उद्घाटन गर्न प्रधानमन्त्री आज झापा आउँदै

विराटनगर । प्रधानमन्त्री केपी शर्मा ओली मोरङ र झापामा हुने दुई कार्यक्रममा सहभागी हुन आज प्रदेश-१ आउँदै छन्।

प्रधानमन्त्री ओली झापाको विर्तामोडस्थित बीएण्डसी अस्पताल परिसरमा निर्माण भएको पूर्वाअञ्चल क्यान्सर अस्पतालको उद्घाटनको कार्यक्रम रहेको छ ।

नवनिर्मित अस्पताल भवनको उद्घाटनपछि मोरङको उर्लबारीमा एकीकृत सन्थाल वस्ती निर्माणको शिलान्यास गर्ने कार्यक्रम रहेको नेकपाको केन्द्रीय सदस्य विनोद ढकालले जानकारी दिए ।

प्रधानमन्त्री ओली पूर्ब झापा र मोरङमा रहदा राजनीतिक भेटघाटको कुनै कार्यक्रम तय नभएको पनि नेता ढकालले जानकारी दिए । प्रधानमन्त्री आजै काठमाडाैं फर्कनेछन् ।

झापाको विर्तामोडमा बीएण्डसी अस्पताल परिसरमा ६०० करोडको लगानीमा क्यान्सर उपचार सेवाकाको लागि अस्पताल निर्माण भएको हो ।

अस्पतालका कार्यकारी निर्देशक दुर्गा प्रसाईंले पूर्वाञ्चल क्यान्सर अस्पतालमा गुणस्तरीय सेवा र सुलभरुपमा उपलब्ध हुने भएकाले अब क्यान्सर उपचारका लागि विदेश धाउनु नपर्ने बताए ।

सञ्चालक प्रसाईका अनुसार तीन सय श्ययाको स्वीकृति पाएको सो अस्पतालमा क्यान्सर उपचारका आगि आवश्यक रेडियो थेरापी, केमो थेरापी, सर्जरीलगायत सम्पूर्ण सेवा उपलब्ध रहेको छ ।

प्रधानमन्त्रीले शिलान्यास गर्ने एकीकृत सन्थाल वस्ती शहरी विकास मन्त्रालयले निर्माण गर्न लागेको हो ।उर्लाबारी नगरपालिकाको रातोहोली खोल्सीको किनारमा सन्थाल एकीकृत वस्ती विकास गर्ने लागिएको हो ।

मन्त्रालयले रातोहोली खोल्सीको किनारमा २६ उराव र १०६ सन्थाल जातिको गरी कुल १३२ वटा घर निर्माण गर्न लागेको हो । पुरै वस्ती निर्माणका लागि ३० करोड रकम खर्च हुने जनाइएको छ ।

सन्थाल एकीकृत वस्ती विकास कार्यक्रमको लागि उक्त समुदायमा गएर गरिएको सर्भेक्षणअनुसार उक्त नगरपालिकामा १०६ परिवार सन्थाल र २६ परिवार उराव जातिको जग्गा नभएको र २७ परिवार सन्थाल जातिको घर बनाउन पुग्ने आफ्नै जग्गा भए पनि आफ्नो घर बनाउन नसक्ने स्थिति रहेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर