‘परदेशी’ सिक्वेलमार्फत प्रेमराजा महतको अभिनयमा डेब्यु – Nepal Press

‘परदेशी’ सिक्वेलमार्फत प्रेमराजा महतको अभिनयमा डेब्यु

काठमाडौं । गायक प्रेमराजा महतले अभिनयमा डेब्यु गरेका छन् । अमेरिकामा छायांकन भैरहेको ‘परदेशी २’मा महतको अभिनयलाई हेर्न पाइने भएको छ ।

अमेरिकाको बाल्टिमोरमा रहेको नेपाल हाउस लगायतका थलोमा छायांकन भएको फिल्ममा महतले दिलिप रायमाझी लगायतका कलाकारसँग स्क्रिन सेयर गरेका हुन् ।

अमेरिकी अभिनेत्री तारा लिन्हर्ट र बाल कलाकार प्राज्ञी सुनारले पनि अभिनय गरेका छन् । नेपालपछि अमेरिकामा फिल्म छायांकन भएको हो । रायमाझी र निर्देशक नारायण रायमाझी अहिले बाल्टिमोरमै छन् ।

आगामी दशैंमा फिल्म रिलिज लक्ष्य राखिएको छ । प्रशान्त तामाङ, केकी अधिकारी, प्रकाश सपुत, वर्षा शिवाकोटी, नीर शाह लगायत फिल्ममा छन् । प्रकाश सपुत र महतका लागि यो डेब्यु फिल्म हो ।

राजेश वंशल र रायमाझीले मिलेर फिल्म निर्माण गरेका हुन् । यी दुईजनाले यसअघि ‘गोर्खापल्टन’ र ‘परदेशी’जस्ता फिल्ममा सहकार्य गरेका थिए । पूर्व इन्डियन आइडल तामाङले पनि गोर्खापल्टनदेखि अभिनयमा डेब्यु गरेका थिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर