झम्सिखेलविरुद्ध खुमलटारको कठिन जित – Nepal Press

झम्सिखेलविरुद्ध खुमलटारको कठिन जित

काठमाडौं । महेश राईले तेस्रो मिनेटमा गरेको एक मात्र गोलको बचाउ गर्दै खुमलटार युथ क्लबले शहीद स्मारक ‘बी’ डिभिजन लिगमा आइतबार झम्सिखेल युथ क्लबलाई १-० को नतिजामा पराजित गरेको छ ।

सातदोबाटोस्थित एन्फा कम्प्लेक्समा भएको खेलको तेस्रो मिनेटमा महेशले गोल गर्दै खुमलटारलाई अग्रता दिलाएका थिए ।

बाँकी समयमा दुवै तर्फबाट प्रयास गरे पनि गोल हुन नसक्दा खेल खुमलटारको पक्षमा परेको हो । जितसँगै ८ खेलबाट १९ अंक जोडेको खुमलटारले शीर्ष स्थानको सातदोबाटोसँग अंक बराबरी गरेको छ । एक खेल कम खेलेको सातदोबाटोको पनि समान १९ अंक छ ।

पराजित झम्सिखेल ८ खेलबाट ६ अंकसहित १०औं स्थानमा छ ।

प्रतिक्रिया

Leave a Reply

Your email address will not be published. Required fields are marked *