बुटवल उद्योग वाणिज्य संघको अध्यक्षमा कसजु निर्वाचित – Nepal Press

बुटवल उद्योग वाणिज्य संघको अध्यक्षमा कसजु निर्वाचित

रूपन्देही । बुटवल उद्योग वाणिज्य संघ रुपन्देहीको अध्यक्षमा उज्ज्वल प्रसाद कसजु विजयी भएका छन् । संघको २४ औं अधिवेशनबाट अध्यक्ष पदमा निर्वाचित भएका कसजुले ६ सय ६२ मत प्राप्त गरे भने प्रतिद्वन्द्वी हरिप्रसाद अर्यालले ४ सय ८३ मत प्राप्त गरे ।

संघको नयाँ कार्यसमिति चयनको बिहीबारको अधिवेशन अन्तर्गत अध्यक्ष, कोषाध्यक्ष, सचिव तथा खुल्ला तर्फको सदस्य र महिला तर्फको सदस्य पदमा मतदान भएको थियो ।

कोषाध्यक्ष पदमा ६ सय ९२ मत सहित नवीन श्रेष्ठ, सचिव पदमा ५ सय २१ मत सहित मुक्तिप्रसाद अधिकारी निर्वाचित भए। त्यस्तै खुल्ला तर्फको कार्यसमिति सदस्य पदमा दिनेश श्रेष्ठ ९ सय ३२, दिपकप्रसाद चापागाई ९ सय ६९, कृष्ण श्रेष्ठ ९ सय ५२, मोहम्मद जमिल खान ८ सय ५७, सुमोदमान सैंजु ९ सय ३१, टिकाराम बञ्जाडे ९ सय ५०, त्रिविक्रम श्रेष्ठ ८ सय ८६ मतसहित विजय भएको प्रमुख निर्वाचन आयुक्त बाबुराम पाण्डेले जानकारी दिए ।

त्यस्तै महिला सदस्य तर्फ जमुना पौडेल ६ सय ३४ र मीना प्रधान ६ सय ११ मतसहित विजयी भएका छन् । नयां नेतृत्व चयनको लागि भएको अधिवेशनबाट वरिष्ठ उपाध्यक्षमा दिनेशप्रसाद श्रेष्ठ, उद्योग उपाध्यक्षमा टंकप्रसाद गैरे, बाणिज्य उपाध्यक्षमा नरिश्वर शर्मा पौडेल, महासचिव पदमा बिमलराज भट्टराई तथा एशोसियट सदस्य पदमा आनन्दप्रसाद ओझा, ४ उद्योग सदस्यमा नरेशकुमार श्रेष्ठ, नेत्रप्रसाद पाण्डे, निर्मित कसजु र संजय कलवार जयसवाल र ४ वाणिज्य सदस्य पदमा काशिराम शर्मा पौडेल, मनोज ध्वजु, प्रकाशकुमार श्रेष्ठ र प्रतीक पोखरेल निर्विरोध निर्वाचित भएका थिए।

अध्यक्ष पदमा निर्वाचित भएसँगै कसजुले उद्योगी व्यबसायीको समस्या समाधानको लागि पहल तथा पैरवी गर्ने र सबैको साथमा अगाडि बढ्ने प्रतिवद्धता व्यक्त गरेका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर