कुटपिट गरेको आरोपमा पल शाहमाथि प्रहरीमा उजुरी – Nepal Press

कुटपिट गरेको आरोपमा पल शाहमाथि प्रहरीमा उजुरी

धरान- मोडल तथा नायक पल शाहविरुद्ध प्रहरीमा उजुरी परेको छ । उनी अहिले म्युजिक भिडियो सुटिङका लागि धरानमा छन्।

आफूमाथि दुर्व्यवहार र कुटपिट गरेको भन्दै फिल्मकर्मी महासंघ प्रदेश १ का अध्यक्ष अरुण प्रधानले पलविरुद्ध इलाका प्रहरी कार्यालय धरानमा उजुरी दिएका हुन् । उजुरी परेपछि दुवैपक्षलाई प्रहरीले छलफलका लागि बोलाएको छ।

प्रधानको निवेदन परेपछि शाहलाई शुक्रबार दिउँसो छलफलका लागि बोलाइएको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिए । म्युजिक भिडियोको सुटिङका लागि धरान आएका साहको निर्देशनमा सहयोगी कृष्णप्रसाद जोसीले आफूमाथि आक्रमण गरेको प्रधानको दाबी छ ।

कुटपिट अघि दुव्यर्वहार गरेका साहले होटल ज्वाई खानामा रहेका बेला ८/१० जनाको टोली नै बोलाएको प्रधानले बताए । ‘कार्यक्रमका विषयमा छलफल गर्दा उनले दुव्र्यवहार गरे,’ प्रधानले भने, ‘त्यहीँबाट ८/१० जना केटाहरु बोलाए, उनीहरुले मलाई चिनेका कारण पछि हटे । साहको निर्देशनमा जोसीले आक्रमण गरे ।’

आफूमाथि आक्रमण भएपछि उजुरी गरेको उनले बताए । ‘म्युजिक भिडियोको सुटिङका लागि आउनुभएको थियो, लोकेसन हेर्नेदेखि सबै विषयमा मैले सहयोग गरेँ,’ उनले भने ‘तर ममाथि नै आक्रमण भएपछि उजुरी दिए ।’

यता, पल शाहले भने खाना खाने क्रममा अरुण प्रधान लगायतले आफूलाई दुब्र्यहार गरेको बताएका छन् । सोही क्रममा भनाभन भएपछि म्यानेजर जोशी र अरुणबीच धकेलाधकेल भएको समेत पलले जनाए । म्यानेजरसँग कुरा गर्नूस भन्दा अरुणले आफूलाई घमण्ड देखाएको आरोप लगाएको समेत पलले जनाए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर