कांग्रेस बैठकमा समीक्षा- बल नेकपाकै कोर्टमा छ, फुट्ने कि जुट्ने निर्णय गरुन् – Nepal Press

कांग्रेस बैठकमा समीक्षा- बल नेकपाकै कोर्टमा छ, फुट्ने कि जुट्ने निर्णय गरुन्

काठमाडौं । प्रमुख विपक्षी नेपाली कांग्रेसले केपी ओली नेतृत्वको सरकार परिवर्तन गर्ने वा निरन्तरता दिने भन्ने विषय सत्तारुढ नेकपाकै हातमा रहेको भन्दै अहिले कुनै निष्कर्ष निकाल्नु हतारो हुने समीक्षा गरेको छ ।

पार्टी सभापति शेरबहादुर देउवा निवास बूढानीलकण्ठमा जारी पदाधिकारी बैठकमा प्रतिनिधिसभा पुनःस्थापनापछिको अवस्थाबारे छलफल भएको छ । बैठक चलिरहेका बेला बाहिरिएका सहमहामन्त्री डा. प्रकाशशरण महतले बल अहिले नेकपाकै कोर्टमा रहेको प्रतिक्रिया दिए ।

उनले भने, ‘सरकार राख्ने कि हटाउने भन्ने कुरा कांग्रेस भन्दा नेकपा नै निर्णायक हो । नेकपा विभाजन भएको हो कि होइन ? उहाँहरुको पहिले प्रष्ट हुनुपर्छ । अहिले नै कांग्रेसले निष्कर्ष निकाल्नु अपरिपक्व हुन्छ । हामीले बैठकमा राजनीतिक घटनाक्रमको समीक्षा गरेका छौं तर सरकारबारे अहिले हाम्रो कुनै धारणा हुन्न ।’

महतले संसदमा अविश्वास प्रस्ताव आयो भने त्यसबेलै छलफल हुने बताए । पहिले नेकपाभित्रको विषय प्रष्ट हुनुपर्ने कांग्रेस बैठकमा समीक्षा भएको छैन । नेकपा कानूनी रुपमा विभाजित भइनसकेकाले कांग्रेसले थप निर्णय गर्न आवश्यक नरहेको बताएको छ ।

प्रतिक्रिया

Leave a Reply

Your email address will not be published. Required fields are marked *